REDE

IURISGAL I.N.O.L.F.

Sabemos que atopar un avogado de confianza noutro país é unha tarefa complicada, que require un gran investimento de tempo. Soamente os despachos de avogados pequenos e medianos coñecen perfectamente o seu mercado local e son capaces de adaptarse ás necesidades que demandan as empresas estranxeiras. A Rede permite obter de forma rápida unha resposta a un problema xurídico noutro país a través do Bufete do seu lugar de residencia.

España

Rivas&Montero Bufete De Abogados

Persoa de contacto: Eva González Fernández

Oficinas en Madrid y Santiago de Compostela
Oficina principal: Calle Doutor Teixeiro, 13, 1º
Santiago de Compostela
15701 A Coruña
GALICIA (ESPAÑA)

Envía un correo a:

Rivas&Montero Bufete De Abogados

Descrición do Bufete:

Idiomas: Galego, Castelán, Inglés, Francés, Portugués e Italiano.

Rivas&Montero é un Despacho de Avogados especializado no asesoramento xurídico de empresas e institucións que desenvolven a súa actividade nos sectores máis diversos. Contamos cunha ampla traxectoria no asesoramento xurídico en proxectos de internacionalización. Ademais do noso equipo, servímonos dunha extensa rede de importantes Despachos de Avogados colaboradores repartidos por Europa, América, África e Asia, que nos permite dar un servizo amplo e eficaz no ámbito dos investimentos, operacións e transaccións internacionais.

Tratamos de ofrecer a máxima calidade, optimizando os procesos e utilizando as innovacións tecnolóxicas, coa finalidade de dar un servizo excelente ao cliente. apostamos sempre polo capital humano e sabemos que a nosa calidade máis destacada está constituída polo equipo de Avogados que integran o Bufete.

Os membros do Despacho colaboran de forma habitual na organización de accións formativas, dando conferencias e cursos a escala nacional e internacional. Tamén impartiron docencia nas Universidades de Santiago e Vigo. Doutra banda, desde fai tempo, temos unha importante presenza nos medios de comunicación, procurando achegar o mundo do dereito á sociedade.

En moitas ocasións non serven as solucións ordinarias que se dan a un problema xurídico. Nun mundo globalizado como o actual cada vez increméntase máis a complexidade e dificultade dos asuntos, polo que é preciso ofrecer formulacións máis imaxinativas. O noso Despacho emprega a innovación e a creatividade no campo xurídico para ofrecer solucións verdadeiramente eficaces.

Áreas de actuación:

- Dereito de empresas.

- Dereito corporativo.

- Dereito comercial.

- Investimentos e operacións internacionais.

- Dereito urbanístico e da propiedade inmobiliaria.

- Dereito informático.

- Dereito da comunicación e audiovisual. Propiedade intelectual.

- Procedementos xudiciais e ante Tribunais.